अ
+
अ
अ
-
काठमाडौँ – सम्पत्ति छानबिन आयोगविरुद्ध परेको रिट निवेदनको निरुपण गर्न नेपाल बार एशोसियशनले दुई जना वरिष्ठ अधिवक्ताहरुलाई एमिकस क्युरीका रुपमा पठाउने निर्णय गरेको छ।
बारले वरिष्ठ अधिवक्ताहरु बद्रीबहादुर कार्की र टिकाराम भट्टराईलाई एमिकस क्युरीका रुपमा पठाउने निर्णय गरेको महासचिव केदार कोइरालाले जानकारी दिए।
प्रेमराज सिलवालले दायर गरेको रिट निवेदनमाथि सुनुवाइ गर्दैै सर्वोच्च अदालतले सम्पत्ति छानबिन आयोगलाई काम कारबाही जारी नराख्न अन्तरिम आदेश दिएको थियो।
न्यायाधीश टेकप्रसाद ढुंगाना र श्रीकान्त पौडेलको इजलासले अन्तरिम आदेश दिँदै रिटको निरुपण गर्न नेपाल बार र सर्वोच्च बार एशोसियशनबाट दुई दुई जना एमिकस क्युरी पठाउन आदेश गरेको थियो।
आदेशअनुसार बारले निर्णय गरे पनि सर्वोच्च बारले भने बिहीबार निर्णय गर्ने जनाएको छ।
भर्खरै
लोकप्रिय
