हावाहुरिले विनय त्रिवेणीमा २० भन्दा बढी घरमा क्षति

काठमाडौँ- मंगलबार साझ आएको हावाहुरी सहितको वर्षाले पुर्वी नवलपरासीको विनय त्रिवेणी गाउँपालिका- १ मा २० वटाभन्दा बढी घरमा क्षति पुर्याएको छ ।

बगुवनमा १५ वटा घरको छाना उडाएको र घरभित्र रहेको अन्न र लत्ताकपडा भिजाउदा समस्या परेको स्थानीय बुद्ध राज विश्वकर्माले बताए ।

यसै गरेर बगुवनमा रहेको आधारभुत विद्यालयको खानेपानीको ट्यान्की हावाले ढलाएको र बिजुली बत्ती नहुदा समस्यामा परेको गुनासो गरे ।

पालिकाको बगुवनमा १५ , सिसेनी गाउँमा ५ घर र अन्य स्थानमा पनि हावाहुरीले घरको छाना उडाएको वडा अध्यक्ष दिपक पौडेलले बताए ।

फोटो सौजन्य : बुद्ध राज बिस्वकर्मा/ नेपाल फोटो लाइब्रेरी।