काठमाडौँ- सम्पत्ति शुद्धीकरण (मनी लाउण्डरिङ्ग) सम्बन्धी मुद्दामा दिपक भट्ट, शुलभ अग्रवाल र शेखर गोल्छासहित ३९ जना प्रतिवादीविरुद्ध विशेष अदालतमा मुद्दा दर्ता गरिएको छ।
अदालत प्रशासनका अनुसार सम्पत्ति शुद्धीकरण (मनी लाउण्डरिङ्ग) निवारण ऐन, २०६४ को दफा ३० को उपदफा (१) बमोजिम दायर गरिएको मुद्दामा प्रतिवादी दिपक भट्टविरुद्ध रु. २६ अर्ब ६३ करोड २७ लाख ७१ हजार ५९ रुपैयाँ ६८ पैसा बिगो दाबी गरिएको छ।
त्यसैगरी, शुलभ अग्रवालविरुद्ध रु. २५ अर्ब ५९ करोड २० लाख ६ हजार १२४ रुपैयाँ ३१ पैसा तथा शेखर गोल्छाविरुद्ध रु. ५२ करोड ५० लाख बिगो दाबी गरिएको छ।
मुद्दामा कुल ३९ प्रतिवादी रहेका छन्, जसमध्ये ३४ जना व्यक्ति र ५ वटा कम्पनी समावेश छन्। आरोपितहरूविरुद्ध गैरकानुनी रूपमा आर्जित सम्पत्तिको कारोबार तथा सम्पत्ति शुद्धीकरणसम्बन्धी कसुर गरेको आरोपमा विशेष अदालतमा अभियोगपत्र दायर गरिएको हो।
यो पनि पढ्नुहोस्
भर्खरै
लोकप्रिय
