फिफा विश्वकप–२०२६ को तेस्रो खेलमा घरेलु टोली क्यानडा र बोस्निया एन्ड हर्जगोभिनाले बराबरी खेल्दै अंक बाँडेका छन् ।
क्यानडाको टोरन्टो स्टेडियममा भएको उक्त प्रतिस्पर्धात्मक खेल १–१ गोलको बराबरीमा सकिएको हो ।
खेलको सुरुवातमा भ्रमणकारी टोली बोस्नियाले अग्रता लिएको थियो । २१औं मिनेटमा जोभो लुकिचले उत्कृष्ट हेडरमार्फत गोल गर्दै बोस्निया एन्ड हर्जगोभिनालाई सुरुवाती अग्रता दिलाएका थिए ।
पहिलो हाफमा १-० ले पछि परेको क्यानडाले दोस्रो हाफमा खेलमा फर्कन निकै संघर्ष गर्नुपरेको थियो ।
खेलको उत्तरार्धमा घरेलु टोलीले पुनरागमन गर्यो । ७९औं मिनेटमा क्यानडाका काइल लारिनले उत्कृष्ट बल कन्ट्रोलका साथ गोल गर्दै खेललाई १–१ को बराबरीमा ल्याए ।
त्यसपछि दुवै टोलीबाट थप गोल हुन सकेन र खेल बराबरीमै सकियो । यस बराबरीसँगै दुवै टोलीले समान एक–एक अंक बाँडेका छन् ।
अब विश्वकपको चौथो खेलमा आयोजक अमेरिका र पाराग्वेबीच प्रतिस्पर्धा हुनेछ । यो खेल नेपाली समय अनुसार बिहान पौने ७ बजेबाट सुरु हुने तालिका रहेको छ ।
भर्खरै
लोकप्रिय
