बैंकिङ कसुर मुद्दामा सेफ सन्तोष साह पक्राउ

काठमाडौं- सेफ सन्तोष साह पक्राउ परेका छन्। उपत्यका अपराध अनुसन्धान कार्यालय टेकुको टोलीले उनलाई जनकपुरबाट गएराति पक्राउ गरेको बताइएको छ।

साहमाथि काठमाडौंको गैरीधारास्थित एक रेस्टुरेन्ट खरिद गर्ने क्रममा चेक अनादर (चेक बाउन्स) गरी ठगी गरेको आरोप लागेको छ।

यस बैंकिङ कसुर मुद्दामा सेफ सन्तोष साहसँगै नारायण साह पनि पक्राउ परेका छन्।

उनीहरू दुवै जनालाई सोही ठगी कसुरमा अनुसन्धानका लागि नियन्त्रणमा लिइएको प्रहरीले जनाएको छ।

जिल्ला अदालत काठमाडौंले पक्राउ पुर्जी जारी गर्दै अनुमति दिएपछि उनीहरूलाई पक्राउ गरिएको हो।

यस घटनाबारे थप अनुसन्धान भइरहेको प्रहरीले जनाएको छ।