विष्णु पौडेललाई ७ दिन थुनामा राख्न अनुमति

काठमाडौँ – विशेष अदालतले नेकपा एमालेका उपाध्यक्ष विष्णु पौडेललाई ७ दिन थुनामा राख्न सम्पत्ति शुद्धीकरण विभागलाई अनुमति दिएको छ।

विशेष अदालतका सदस्यहरू न्यायाधीश नारायणप्रसाद पौडेल, हेमन्त रावल र उमेश कोइरालाको इजलासले पौडेललाई ७ दिन थुनामा राखेर अनुसन्धान गर्न विभागलाई अनुमति दिएको हो।

पौडेललाई सम्पत्ति शुद्धीकरणसम्बन्धी कसुरमा सोमबार सुर्खेतबाट पक्राउ गरी सडकमार्ग हुँदै काठमाडौँ ल्याइएको थियो। काठमाडौँ ल्याएर सम्पत्ति शुद्धिकरण विभागले मंगलबार विशेष अदालतमा पेश गरेको थियो।