- नेकपा एमालेकी उपनेता पद्या अर्यालले संवैधानिक निकायमा नियुक्तिका लागि खुला प्रतिष्पर्धाको व्यवस्था गर्नुपर्ने बताएकी छन्।
- निर्वाचन आयोग जस्तो तटस्थ निकायको नियुक्ति प्रक्रियामा पारदर्शिता र प्रतिस्पर्धात्मकता बढाउनुपर्नेमा उनले जोड दिइन्।
- संवैधानिक परिषद्ले सिफारिस गरेका व्यक्तिहरूको सुनुवाई अछि गर्नु औपचारिकता मात्र रहन नदिने उनको धारणा छ।
काठमाडौँ- नेकपा एमालेकी संसदीय दलकी उपनेता पद्या अर्यालले निर्वाचन आयोगजस्ता संवैधानिक निकायमा नियुक्तिका लागि खुला प्रतिष्पर्धाको व्यवस्था गर्नुपर्ने बताएकी छन् ।
प्रमुख निर्वाचन आयुक्त र आयुक्तहरूको सुनुवाई सम्बन्धी छलफल गर्न बिहीबार बसेको संसदीय सुनुवाई समितिको बैठकमा उनले यस्तो बताएकी हुन् ।
निर्वाचन आयोग तटस्थ भएर काम गर्ने राजनीतिक प्रकृतिको संस्था भएकाले नियुक्ति प्रक्रियालाई अझ पारदर्शी र प्रतिस्पर्धात्मक बनाउनुपर्ने उनको भनाई छ । उनले वर्तमान सरकारले पनि पुरानै अभ्यासलाई निरन्तरता दिएको उल्लेख गरिन् । उनले सुनुवाई प्रक्रियालाई हतार नगरि सबै पक्षसँग पर्याप्त छलफल गरेर सहमतिमा नै गर्नुपर्नेमा जोड दिइन् ।
उनले भनिन्,‘अहिले जुन खालको वातावरण छ, यसले खुल्ला प्रतिष्पर्धा राम्रो हो के । यो निर्वाचन आयोग हेर्दा तटस्थ, काम गर्ने राजनीतिक हो, यो सबै राजनीतिक काम गर्ने संस्था हो । त्यसैले यस्ता संस्थामा एकदम खुल्ला प्रतिष्पर्धाको व्यवस्था गर्न पाएको भए धेरै राम्रो हुन्थ्यो, हामीले पुरानै अभ्यासलाई समातेर अगाडि बढिरहेका छौं । यसो भइरहँदा पनि राम्रो कसरी गर्न सकिन्छ भन्ने विषयमा ध्यान दिने हो । यसमा केही हतारो छैन, त्यसैले हतार नगरि यस्ता विषयहरूलाई अलि मिलाएरै नै छलफल गरौँ । हाम्रा छलफलले राम्रो गराउन सक्ने जति ठाउँमा गराउने हो । अब यहाँ आएकालाई पठाउन धेरै दुख त गर्नुपर्दैन, यो औपचारिकता मात्रै हो । अब औपचारिकता मात्रै नबनाउने हो, साँच्चै राम्रो बनाउने हो भने अलि फराकिलो ढंगले छलफल गरौँ । त्यो खालको वातावरण बनाएर योग्य भन्दा योग्य व्यक्ति आओस् भन्ने नै हो, अरु इन्ट्रेस्ट के हो र ? तपाई हामी जाने होइन, केही होइन । त्यो विषयमा अलि खुल्ला छलफल गर्ने वातावरण बनाऔं, आएकालाई पठाउन त धेरै मेहेनत गरिरहनु पर्छ जस्तो मलाई लाग्दैन ।’
उनले संवैधानिक परिषद्ले सिफारिस गरेका व्यक्तिलाई समितिले औपचारिक रूपमा अनुमोदन गर्ने मात्रै काम गर्न नहुने बताए ।
भर्खरै
लोकप्रिय
