जनकपुरधाम- सप्तरीमा मोटरसाइकल दुर्घटनामा परेका युवकलाई लैजाँदै गरेको अवस्थामा प्रहरीले एक जना भारतीय नागरिकलाई पक्राउ गरेको छ ।
पक्राउ पर्नेमा भारतको बिहार राज्य मधुवनी जिल्लाको खतौनी पिपरारीका २८ वर्षिय मो. सादर रहेको जिल्ला प्रहरी कार्यालय सप्तरीले जनाएको छ ।
सप्तरीका प्रहरी प्रवक्ता प्रहरी नायव उपरीक्षक हेमराज घिमिरेका अनुसार बुधबार शम्भुनाथ नगरपालिका- ६ कठौना बजारमा मोटरसाइकलले साइकल यात्रीलाई ठक्कर दिएका थिए । ठक्कर दिएपछि बालकलाई मोटरसाइकलमा राखेर जानलाग्दा स्थानीयले देखेपछि पछि-पछि गएको र प्रहरीलाई समेत थाहा भएपछि मान्छेलाई नियन्त्रणमा लिएको बताए । उनले बच्चालाई राजविराजस्थित अस्पतालमा ल्याउँदा मृत्यु भएको बताए ।
मोटरसाइकलको ठक्करबाट शम्भुनाथ नगरपालिका ५ मोहनपुरका मो. सदामाका १४ वर्षीय छोरा मो.सादिकको मृत्यु भएको हो ।
प्रवक्ता घिमिरेले अनुसन्धानपछि यस घटनामा कुन शिर्षकमा मुद्दा दर्ता गर्ने त्यसको निर्णय गरिने बताए ।
भर्खरै
लोकप्रिय
