दाङ– दाङको राप्ती स्वास्थ्य विज्ञान प्रतिष्ठानमा एक महिनामा एक सय ४९ जना महिलाले नि:शुल्क प्रसूति सेवा लिएका छन्।
आमा सुरक्षा कार्यक्रमअन्तर्गत चालू आर्थिक वर्ष (जेठ १ गतेदेखि ३१ गते) को एक महिनामा १ सय ४९ जना महिलाले नि:शुल्क प्रसूति सेवा प्राप्त गरेका हुन्।
प्रतिष्ठानका निमित्त कार्यालय प्रमुख, निर्देशक तथा सह-प्राध्यापक डा. सुरेश रसाईलीले प्रतिष्ठानमा सञ्चालित नि:शुल्कप्रसूति सेवा लिन आउको संख्या बढिरहेको छ।
एक महिनाको अवधिमा शल्यचिकित्सा सेवाबाट एक सय ३६ महिलाले सुरक्षित सुत्केरी सेवा पाएका छन्। पाँच वटा एमभीए (म्यानुअल भ्याकुम एस्पिरेशन), छ वटा एक्टोपिक गर्भसम्बन्धी शल्यक्रिया तथा एक वटा मोलार गर्भसम्बन्धी शल्यक्रिया सम्पन्न गरिएको छ।
यस्तै जेठ महिनामा प्रसूति सेवाबाट २ हजार ३ सय ५८ जना महिलाले ओपिडी सेवा र ५२ जनाको भर्ना गरेर उपचार गरिएको छ।
भर्खरै
लोकप्रिय
