हुम्ला – कर्णाली करिडोरको हुम्ला सदरमुकाम सिमकोटदेखि कालिकोटको खुलालुसम्मको कच्ची सडकमा खाली गाडीलाई माटो र ढुङ्गो भरेर यात्रा गर्नुपर्ने बाध्यता रहेको छ।
यो खण्डको सडकमा यातायातका साधन गुड्दा खाल्डाखुल्डीमा सन्तुलन मिलाउन ती खाली गाडीमा माटो र ढुङ्गा भर्नुपरेको हो।
हुम्लाको सदरमुकाम सिमकोटबाट कालीकोटको खुलालुसम्मको १७४ किलोमिटर कच्ची सडक निकै खाल्डाखुल्डी भएकाले खाली गाडी गुडाउन कठिन हुने भएपछि गाडीमा माटो र ढुङ्गा भर्नुपर्ने बाध्यता रहेको टिपर चालक कलबहादुर मगरले जानकारी दिए।
हुम्लाबाट फिर्ता हुने अधिकांश ठूला सवारी साधन रित्तै फर्कनुपर्ने हुन्छ। सुर्खेतबाट सत्तरी क्वीन्टल सामान लोड गरेर सिमकोट ढुवानी गरेका ट्रक चालक बुढाले फिर्ता हुँदा भने माटो भरेपछि मात्र अगाडि बढ्न सकिएको बताए।
हुम्लाबाट फिर्ता जाने यातायातका साधनका लागि हुम्लामा स्थानीय रैथाने बालीदेखि जडीबुटी र फलफूल उत्पादन गर्नुपर्ने अवस्था आएको सर्केगार्ड गाउँपालिका– ३ का वडाध्यक्ष अकिल कार्कीले बताए।
भर्खरै
लोकप्रिय
