दाङ– दाङको तुलसीपुरमा टिप्परको ठक्करबाट मोटरसाइकलमा सवार बाबु-छोराको मृत्यु भएको छ।
मृत्यु हुनेमा लमही नगरपालिका-५ निवासी ३५ वर्षीय मनोज नेपाली र उनका छोरा ५ वर्षीय मिनाराज नेपाली रहेको इलाका प्रहरी कार्यालय तुलसीपुरका डिएसपी होमराज पराजुलीले जानकारी दिए।
त्यसैगरी सोही घटनामा परेर मृतककी श्रीमती ३४ वर्षीया अमृता नेपाली घाइते भएकी छन्।
दुर्घटनामा परी गम्भीर घाइते बाबु-छोराको नेपालगन्जमा उपचारको क्रममा मृत्यु भएको हो। घाइते अमृताको नेपालगन्जमा उपचार भइरहेको प्रहरीले जानकारी दिएको छ।
तुलसीपुरको घोराही रोडस्थित गुल्मचोकमा रा १ ख२१९२ नम्बरको टिप्पर र रा४प ३३९०को मोटरसाइकल एकआपसमा ठोक्किँदा दुर्घटना भएको थियो।
घोराहीबाट गुल्मचोक पार गरेर उत्तर तर्फजाँदै गरेको टिप्पर र तुलसीपुरबाट लमही आउँदै गरेको मोटरसाइकल चोकमा एक आपसमा ठोक्किएका थिए।
दुर्घटना सोमबार बिहान करिब ६ बजे भएको थियो।
भर्खरै
लोकप्रिय
