काठमाडौँ – स्वास्थ्य तथा खाद्य स्वच्छता मन्त्रालयका सचिव डा. विकास देवकोटाले स्वास्थ्य बीमा सुधारका लागि ऐन नै संशोधन गर्न आवश्यक रहेको बताएका छन्।
आइतबार मन्त्रालयका सञ्चारकर्मीहरूसँगको भेटघाट कार्यक्रममा बोल्दै उनले स्वास्थ्य बीमा सुधार कार्यक्रमका लागि ऐन संशोधन गरेर नै अघि बढ्न आवश्यक रहेको बताएका हुन्। उनले सरकारले बीमा क्षेत्रमा देखिएका गुनासो तत्काल सम्बोधन गर्नुपर्ने अवस्था आएको पनि बताए।
सचिव देवकोटाले सरकारले स्वास्थ्य बीमा कार्यक्रमलाई उच्च प्राथमिकता राखेको दाबीसमेत गरे। सरकारले विगतमा वर्षहरूमा भन्दा उक्त कार्यक्रमका लागि दोब्बर बजेट विनियोजन गरेकाले स्वास्थ्य बीमा कार्यक्रम सुधारमा फड्को मार्ने अवस्था रहेको सचिव देवकोटाको जिकिर थियो।
सचिव देवकोटाले सरकारले आगामी ३ वर्षभित्र आधार स्वास्थ्य सेवा आम नागरिकलाई पुर्याउने गरी सरकारले काम गर्ने प्रतिबद्धता पनि व्यक्त गरे।
भर्खरै
लोकप्रिय
