काठमाडौँ– कान्तिपुर, अनलाइन खबर, हिमालयन टेलिभिजन र अनामनगरको भाटभटेनी सुपरमार्केट अगाडि राखिएका शंकास्पद गाडीलाई क्रेनले उठाएर उपत्यका ट्राफिक प्रहरी कार्यालय लगिएको छ।
सोमबार बिहान करिब ७ बजेदेखि शंकास्पदरुपमा राखिएका गाडीलाई दिउँसो उठाएर ट्राफिक प्रहरी कार्यालय पठाइएको काठमाडौँ प्रहरी परिसरका प्रवक्ता पवन भट्टराईले जानकारी दिए।
ती गाडीमा सुरक्षा खतरा नदेखिएको उनले बताए। ‘गाडीले कुनै सुरक्षा खतरा दिन सक्ने वा नसक्ने विषयमा अनुसन्धान गरेपछि क्रेनले उठाएर ट्राफिक प्रहरी कार्यालय पठाएका छौँ। गाडीले कुनै सुरक्षा खतरा भने दिएको देखिएन’, भट्टराईले भने।
उनले ती गाडी ट्राफिक आवागमन अवरोध गर्नका लागि राखिएको हुन सक्ने बताएका छन्। गाडी कसको हो भन्ने खुलेको छैन। ट्राफिक प्रहरीले अनुन्धान गरेपछि ती गाडीबारे खुल्ने उनले बताए।
शंकास्पद गाडीबारे बालेन निकट नेता भन्छन्– सांकेतिक जानकारी हुन सक्छ
यो पनि पढ्नुहोस्
भर्खरै
लोकप्रिय
