काठमाडौँ– मिडियाका कार्यालय अगाडि शंकास्पद गाडी राखिएको विषयमा प्रधानमन्त्री बालेन्द्र शाह (बालेन) निकट एक नेताले सांकेतिक जानकारी हुन सक्ने बताएका छन्।
गाडी राखिएको समाचार फेसबुकमा शेयर गर्दै मधुसुदन ढकालले पार्किङ व्यवस्थित नहुँदा कति गाह्रो हुने रहेछ भन्ने सांकेतिक जानकारी दिएको हुन सक्ने लेखेका छन्। ‘पहिलो कुरा त अव्यवस्थित पार्किङले कति गार्हो पर्न सक्छ भनेर साङ्केतिक जानकारी दिएको पनि हुन सक्छ र अर्को कुरा जनताले जे पनि गर्न पाउनुपर्छ भन्दै गर्दा अरुलाइ कति अप्ठेरो पर्छ थाहा दिएको पनि हुन सक्छ’, उनले लेखेका छन्।
सोमबार बिहान कान्तिपुर, अनलाइन खबर र हिमालयन टेलिभिजनको कार्यालयमा शंकास्पद गाडी राखिएको थियो। ती गाडीलाई प्रहरीले क्रेन लगाएर हटाएको छ।
उक्त गाडीहरू कसका हुन् भन्ने खुलेको छैन। सरोकारवालाहरूले मिडियाले आत्मदाहको प्रयासपछि मृत्युवरण गरेका गणेश नेपालीको पक्षमा समाचार लेखेकै कारण मिडियामाथि आतंक सृजना गर्न यस्तो कार्य गरिएको हुनसक्ने बताएका छन्।
उनीहरूको भनाइलाई बल पुग्ने गरी बालेन निकट नेताले सार्वजनिक अभिव्यक्ति दिएपछि यस घटना थप शंकास्पद बनेको छ।
ढकालको स्टाटस–
भर्खरै
लोकप्रिय
