सरकारले आफ्नालाई नियुक्ति गरेको भन्दै विरोधमा उत्रिए रास्वपाका नेता जैरू

काठमाडौँ- राष्ट्रिय स्वतन्त्र पार्टी (रास्वपा)का नेता विजय जैरूले वर्तमान सरकारले मेरिटोक्रेसी नभई अटाेक्रेसीलाई प्रथमिकता दिएको आरोप लगाएका छन्।

सरकारको नेतृत्व गरिरहेको दल रास्वपाकै केन्द्रीय सदस्य जैरूले आफ्नाले गरेको गलतविरुद्ध बोल्न नसक्नेहरू दास हुन् भन्दै सरकारको विरोध गरेका हुन्।

‘हिजो हामी अटाेक्रेसीविरुद्धको नारा लगाउँदै आज यहाँसम्म आइपुगेका हौँ आज धेरै सरकारी संस्था होस या ठूला-ठूला नियुक्तिमा मेरिटोक्रेसी होइन अटाेक्रेसी देखिन्छ। डे-वानदेखि निश्वार्थ भावनाले पार्टी बनाउन लागेकाहरूले कसरी बुझ्ने?,’ सामाजिक सञ्जालमा उनी लेख्छन्।