इजरायल- अमेरिका र इरानबीचको युद्धमा असन्तुष्ट रहेको स्पेनले अमेरिकाका सैन्य विमानलाइ आफ्नो आकाश प्रयोग गर्न नदिने जनाएको छ। स्पेनले इरानविरुद्धको युद्धमा संलग्न अमेरिकाका सैन्य विमानहरूका लागि आफ्नो आकाश बन्द गरेको स्पेनकी रक्षा मन्त्रीले जानकारी दिएकी छन्।
स्पेनकी रक्षा मन्त्री मार्गारीटा रोब्लेसले आफ्नो आकाशीय क्षेत्र र सैन्य ठिकानाहरू इरानसँग सम्बन्धित कुनै पनि सैन्य अभियानका लागि प्रयोग गर्न नदिने स्पष्ट पारिन्। यस निर्णयपछि अमेरिकी विमानहरूले आफ्नो उडान मार्ग परिवर्तन गर्नुपर्ने छ, तर मानवीय र आपतकालीन उडानहरूलाई भने छुट दिइएको जनाइएको छ।
स्पेनका अर्थमन्त्री कार्लोस कुएर्पोका अनुसार, यो निर्णय एकतर्फी रूपमा र अन्तर्राष्ट्रिय कानुनविपरीत सुरु गरिएको युद्धलाई समर्थन नगर्ने आधारमा लिइएको जनाइएको छ। स्पेनका प्रधानमन्त्री पेद्रो साञ्चेज यसअघि नै अमेरिका-इजरायल सैन्य अभियानको आलोचना गरिसकेका छन्।
उता अमेरिकी राष्ट्रपति डोनाल्ड ट्रम्पले यस निर्णयको जवाफस्वरूप व्यापारिक कारबाही गर्ने चेतावनी दिएका छन्। यस निर्णयपछि अमेरिका र स्पेनबीच कूटनीतिक तनाव थप बढ्ने सम्भावना देखिएको छ।
भर्खरै
लोकप्रिय
