आफ्ना नागरिकहरूलाई इरानबाहिर निस्कन भारतीय दूतावासले गर्‍यो आग्रह

इरानस्थित भारतीय दूतावासले दूतावाससँगको समन्वयमा भारतीय नागरिकहरूलाई इरानबाट तुरुन्त बाहिरन आह्वान गरेको छ।

सञ्चारमाध्यमहरूका अनुसार बुधबार भारतीय दूतावासले आफ्ना नागरिकहरूलाई इरानबाट बाहिरिन आह्वान गरेको हो।

दूतावाससँग पूर्व परामर्श र समन्वयबिना अन्तर्राष्ट्रिय सीमामा पुग्ने प्रयास नगर्न सुझाव दिँदै दूतावासले आपतकालीन नम्बरहरू समेत सार्वजनिक गरेको छ।

अमेरिकी राष्ट्रपति डोनाल्ड ट्रम्पले दुई हप्ताको युद्धविरामको घोषणा गर्दै इरानको १० बुँदे प्रस्ताव वमोजिम इरानमाथि बम विस्फोट र आक्रमण अभियान स्थगित गर्ने घोषणा गरेपछि भारतीय दूतावासले यस्तो आह्वान गरेको हो।