काठमाडौँ – नेपाली कांग्रेसका सांसद निश्कल राईले प्रधानमन्त्री वालेन्द्र शाह आफ्नो सीमासम्बन्धी विवादित अभिव्यक्ति सच्याउनुको सट्टा नेपालले भारतको भूमि अतिक्रमण गरेको कुरा प्रमाणित गर्न लागिपरेको आरोप लगाएका छन्।
प्रतिनिधि सभाको मंगलबारको बैठकमा बोल्दै उनले नेपाल विश्वको नजरमा सीमा आतिक्रमणकारी देश नभएको र बन्न नसक्ने बताए। सांसद राईले प्रधानमन्त्री स्वयं सदनमा उपस्थित भएर माफी माग्नुपर्ने बताए।
उनले प्रधानमन्त्रीलाई आफ्नो अभिव्यक्ति सच्याउँदै नागरिकसमक्ष माफी माग्न सभामुख डोलप्रसाद अर्यालसमक्ष रुलिङको माग गरे।
उनले सरकार समर्थकलाई राष्ट्रघाति कदम प्रमाणित गर्न किन मन लाग्यो? भन्दै प्रश्नसमेत गरे।
उनले भने, ‘नेपालले छिमेकी देश भारतको कुनै पनि सीमा वा जमिन मिचेको छैन। नेपाल विश्वको नजरमा सीमा अतिक्रमणकारी देश होइन, बन्न सक्दैन। तर सम्माननीय प्रधानमन्त्रीज्यूले नेपालले समेत भारतको भूमि आक्रमण गरेको छ भनेर प्रमाणित गर्न लाग्नुभएको छ। सामाजिक सञ्जालमा उहाँका शुभचिन्तकहरूसमेत नभएका प्रमाणहरू सिर्जना गर्दै नेपाललाई सीमा अतिक्रमणकारी देश भनेर प्रमाणित गर्न लागिपरेका छन्। यो तहको राष्ट्रघात गर्न उहाँहरुलाई किन मन लाग्यो?’
भर्खरै
लोकप्रिय
