दक्षिण कोरियालाई हराउँदै दक्षिण अफ्रिका पहिलो पटक नकआउट चरणमा

दक्षिण अफ्रिका आफ्नो फुटबल इतिहासमा नयाँ अध्या लेख्न सफल भएको छ। थापेलो मासेकोले दोस्रो हाफमा गरेको एकमात्र गोल निर्णायक बन्दा दक्षिण अफ्रिका एतिहासिक रुपमा समूह ‘ए’ बाट उपविजेता बन्दै नकआउट चरण प्रवेश  गरेको हो।

मोन्टेरोमा जित्नै पर्ने दबाबमा मैदान उत्रिउको दक्षिण अफ्रिकाले एसियाली जायन्ट दक्षिण कोरियालाई १-० ले पराजित गरेको हो। पराजय पछि पनि दक्षिण कोरिया उत्कृष्ट तेस्रो बनेर नकआउट चरण पुग्ने आशामा बस्नु परेको छ। उसको केबल ३ अंक रहेको छ।  कोरियालाई हराएको दक्षिण अफ्रिका  अंक सहित समूह उपविजेता बन्यो।

यो जितसँगै दक्षिण अफ्रिका समूह ‘ए’ मा दोस्रो स्थानमा उक्लियो भने मेक्सिको शीर्ष स्थानमा रह्यो। यो समूहबाट चेक रिपब्लिक प्रतियोगिताबाट बाहिरिंदा पराजित दक्षिण अफ्रिका उत्कृष्ट तेस्रोको लाइनमा धकेलियो।

कोरिया र अफ्रिकाबिचको खेल निकै प्रतिस्पर्धात्मक भए पनि उत्कृष्ट अवसर हरु सिमित मात्र देखिए। दक्षिण अफ्रिकाले रक्षात्मक रणनीति अपनाउँदै काउन्टर याट्याकमा मुभहरु बनाएको थियो। अन्तत उसले खेलको ६३ औं मिनेटमा निर्णायक गोल गरेको थियो।

दक्षिण कोरियाले भने खासै प्रभाव जमाउन सकेन। ओ ह्योन-ग्युको कमजोर हेडर र खेलको सुरुमै ली काङ–इनले गरेको प्रहार उनीहरूका सीमित अवसरमध्येका प्रमुखका रुपमा रहे।

दक्षिण अफ्रिका २०१० मा आफ्नै भूमिमा आयोजना गरेको विश्वकपपछि पहिलो पटक विश्वकपमा स्थान बनउन सफल भएको टोली हो। उक्त समयमा समूहको तेस्रो स्थानमा रहेर प्रतियोगिताबाट बाहिरियो। तर यसपटक भने दक्षिण अफ्रिकाले इतिहास रच्दै पहिलो पटक नकआउट चरणमा प्रवेश गरेको छ।

मेक्सीकोको शतप्रतिशत जित

समूह ‘ए’ अन्तर्गतनै मेक्सीकोले आफ्नो शतप्रतिशत जित यात्रा जारी राख्यो। मेक्सिकोले दोस्रो हाफमा तीन गोल गर्दै चेक गणतन्त्रलाई प्रतियोगिताबाट बाहिर पुर्यायो। समूह चरणको अन्तिम खेलमा प्रभावशाली जित दर्ता गर्दै सह-आयोजक मेक्सिकोले शतप्रतिशत नतिजासहित समूह विजेताका रुपमा समूहचरणको यात्रा टुंग्यायो।

मेक्सिकोले यसअघि नै दक्षिण अफ्रिका र दक्षिण कोरियामाथि जित निकालेर नकआउटमा स्थान बनाइसकेको थियो। त्यसैले प्रशिक्षक हाभियर अगिरेले अन्तिम खेलमा टोलीमा केही परिवर्तन गर्ने अवसर पाए।

अघिल्लो खेलको सुरुआती टोलीबाट पाँच खेलाडी परिवर्तन गरिएका थिए। तिनैमध्येका लेफ्ट–ब्याक मातेओ चाभेजले उत्कृष्ट संयम देखाउँदै हाफटाइमलगत्तै आफ्नो अन्तर्राष्ट्रिय करियरको पहिलो गोल गरे।

प्रतियोगितामा पहिलो पटक सुरुआती रोजाइमा परेका किशोर खेलाडी गिल्बेर्टो मोराले मिडफिल्डमा निकै प्रभावशाली प्रदर्शन गरे। उनले दिएको पासबाट मेक्सिकोको दोस्रो गोलको अवसर सिर्जना भएको थियो।

मोराले जर्जे सान्चेजलाई गोलतर्फ अघि बढाए। चेक गोलरक्षक मातेज कोभारले सुरुआती प्रहार रोके पनि पेनाल्टी क्षेत्रभित्रको अव्यवस्थित अवस्थाको फाइदा उठाउँदै जुलियन किन्योनेसले रिबाउन्ड बललाई जाली चुमाए। यो विश्वकपमा उनको दोस्रो गोल थियो।

१७ वर्ष २५३ दिनका मोरा पुरुष विश्वकपको इतिहासमा सुरुआती टोलीमा स्थान बनाउने छैटौं कान्छा खेलाडी बने। साथै, उनी मेक्सिकोका लागि विश्वकपमा सुरुआती टोलीबाट खेल्ने सबैभन्दा कम उमेरका खेलाडीसमेत बने।

७२औं मिनेटमा मैदानबाट बाहिरिँदा मोराले दर्शकबाट भव्य सम्मान पाए। उनको स्थानमा आएका अल्भारो फिदाल्गोले १५ यार्ड टाढाबाट आकर्षक प्रहार गर्दै माथिल्लो कुनाबाट गोल गरे र मेक्सिकोको शानदार जित सुनिश्चित गरे।

गोलबाहेक, एस्टेका रंगशालामा सबैभन्दा ठूलो स्वागत ४० वर्षीय गोलरक्षक गुइलेर्मो ओचोआका लागि देखियो। खेलको अन्त्यतिर उनी वैकल्पिक खेलाडीका रूपमा मैदान प्रवेश गर्दा समर्थकहरूले तालीको गडगडाहटले स्वागत गरेका थिए।

ओचोआ आफ्नो करियरको छैटौं विश्वकप अभियानमा छन्। यससँगै उनले पोर्चुगलका क्रिस्टियानो रोनाल्डो र अर्जेन्टिनाका लियोनेल मेसीको कीर्तिमान बराबरी गरेका छन्। यद्यपि उनले तीमध्ये चार संस्करणमा मात्र मैदानमा खेल्ने अवसर पाएका छन्, किनभने सन् २००६ र २०१० का विश्वकपमा उनी टोलीमा रहे पनि मैदान उत्रिएका थिएनन्।

समूहचरणको खेल सकिएसँगै यस्तो बन्यो ग्रुप ‘ए’ को अंक तालिका