फिफा विश्वकप फुटबलअन्तर्गत समूह ‘के’मा कोलम्बिया समूह विजेताका रुपमा नकआउट चरणमा स्थान बनाउन सफल भएको छ। पोर्चुगलसँग गोलरहित बराबरी खेलेपछि कोलम्बो समूह विजेता बनेको हो। पोर्चुगल भने उपविजेताका रुपमा नकआउटमा स्थान बनाउन सफल भयो।
त्यस्तै अर्को खेलमा कंगोले उत्कृष्ट पुनरागमन गर्दै ३-१ को जित निकाल्दै उत्कृष्ट तेस्रो टोलीका रुपमा नकआउट चरणमा स्थान बनाएको छ। अन्तिम खेलमा उज्बेकिस्तानलाई हराएसँगै उसले ४ अंक जोड्दै नकआउटमा स्थान बनायो।
खेलको १०औँ मिनेटमै एल्दोर शोमुरोदोभले अलेक्सेई मोज्गोभोयको पासमा गोल गर्दै उज्बेकिस्तानलाई अग्रता दिलाएका थिए। पहिलो हाफमा यही एक गोल निर्णायक बन्दा उज्बेकिस्तान १-० ले अघि रह्यो।
दोस्रो हाफमा आक्रामक बनेको डीआर कंगोले ६८औँ मिनेटमा बराबरी गोल फर्कायो। योआन विस्साले पेनाल्टीमार्फत गोल गर्दै खेललाई १-१ को बराबरीमा ल्याए।
त्यसपछि ७८औँ मिनेटमा फिस्टोन मायेलेले दोस्रो गोल गर्दा खेलको इन्जुरी समयमा विस्सालेनै टिमका लागि तेस्रो गोल गर्दै टिमको उत्कृष्ट जित पक्का गरे।
भर्खरै
लोकप्रिय
