अ
+
अ
अ
-
काठमाडौँ – नेकपा (एमाले)का सांसद गुरु बरालले सम्पत्ति शुद्धीकरण निवारण विधेयक सरकारले पर्याप्त तयारीबिनै हतारमा ल्याएको टिप्पणी गरेका छन्।
प्रतिनिधि सभाको बिहीबारको बैठकमा सम्पत्ति शुद्धीकरण (मनि लाउण्डरिङ) निवारण (तेस्रो संशोधन) विधेयक, २०८३ माथि संशोधन प्रस्ताव प्रस्तुत गर्दै उनले २०६४ देखि कार्यान्वयनमा रहेको ऐनबाट प्राप्त अनुभवका आधारमा विधेयकलाई समृद्ध बनाएर ल्याउनुपर्नेमा सरकारले तथ्यको तोडमोड गरी विधेयक ल्याएको बताए।
उनले भने, ‘यो विधेयक हतारोमा आएको छ। सरकारले विधेयकमा पर्याप्त तयारी गरेको छैन।’
उनले सम्पत्ति शुद्धीकरण नियन्त्रणको विषयलाई गम्भीर रूपमा लिनुपर्नेमा जोड दिँदै भ्रष्टाचारमुक्त र सुशासनयुक्त राज्य निर्माणका लागि एमाले विधेयकको पक्षमा रहे पनि तथ्यगत त्रुटि सच्याउन सरकारसँग माग गरे।
भर्खरै
लोकप्रिय
