काठमाडौँ- राष्ट्रिय प्रजातन्त्र पार्टी (राप्रपा)का सांसद् ज्ञानेन्द्र शाहीले ट्राफिक नियम पालना नगर्दा सर्वसाधारणलाई कारवाही भइरहँदा प्रधानमन्त्री वालेन्द्र शाह (बालेन) र गृहमन्त्री सुधन गुरुङलाई कारवाही किन हुँदैन भनी प्रश्न गरेका छन्।
जारी प्रतिनिधिसभा बैठकमा बोल्दै उनले यस्तो प्रश्न गरेका हुन्। ‘ट्राफिक नियम पालना नगर्दा सर्वसाधाणलाई कारवाही हुन्छ भने सिटबेल्ट नलगाउने प्रधानमन्त्री र गृहमन्त्रीलाई कारवाही किन हुँदैन?’, उनले प्रश्न गरे।
साथै, आफूहरूले सडकमा पार्किङ गर्न नभनेको बताउँदै भ्रम फैल्याइएको प्रति आपत्ति जनाएका छन्। उनले यस विषयमा संसद्को रेकर्डमा हेरेर पुष्टी गर्न मागसमेत गरेका छन्।
‘हामीले कहिले सडकमा पार्किङ गर्न पाउनुपर्छ भनेका छौँ? कसैसँग दम र हिम्मत छ भने संसद्को रेकर्डमा हेरियोस्। हामीले कहिल्यै पनि जथाभावी सडकमा पार्किङ गर्न पाउनुपर्छ भनेका छैनौँ। यस्ता भ्रमात्मक अल्गोरिदम त्याएर मान्छेको चरित्रहत्या गर्ने काम नगरियोस्,’उनले थपे,’हामीले त यतिमात्र भनेका हौँ। प्रहरीको रुखो, अमानवीय र अपमानजनक व्यवहारका कारण कुनै नागरिक आत्माहत्या गर्न बाध्य नहोस्। कानुन सबका लागि बराबर हो।’
यो पनि:
हिजो सिंहदरबारभन्दा मान्छेको जीवन ठूलो भन्नेहरू आज जीवनभन्दा नियम ठूलो भन्दैछन्: ज्ञानेन्द्र शाही
भर्खरै
लोकप्रिय
