जनकपुरधाम- रौतहटमा एक युवकले आत्मदाहको प्रयास गरेको छ । मंगलबार राति गरुडा नगरपालिका- ९ गम्हरियाका देवेन्द्र सहनीका २८ वर्षीय छोरा गौतमकुमार सहनीले आफ्नै शरीरमा पेट्रोल छर्केर आगो लगाएका हुन् ।
रौतहटका प्रहरी प्रवक्ता प्रहरी नायव उपरीक्षक बसन्त गौतमका अनुसार घटनापछि स्थानीयको सहयोगमा युवकलाई गरुडास्थित एक अस्पतालमा लगेकोमा थप उपचारको लागि काठमाडौँस्थित कीर्तिपुर बर्न अस्पतालमा रिफर गरिएको छ ।
प्रवक्ता गौतमले युवकका बुवालाई उदृत गर्दै आत्मदाहको प्रयास गरेका युवकलाई मानसिक तनाव रहेको जानकारी दिए ।
यता, वडा- का वडाध्यक्ष राजेश कुमार सहनीले युवकलाई विभिन्न स्थानबाट टर्चरसमेत आउने गरेको बताए ।
उनकाअनुसार झाझपुरमा रहेको एक होटेल सञ्चालक नलकटुवा पेस्तोलसहित पक्राउ परेकोमा पक्राउ परेका व्यक्तिको समुहका अन्य व्यक्तिले सहनीले प्रहरीलाई खबर गरेको भन्दै टर्चर दिने गरेको आफूले जानकारी पाएको बताए ।
भर्खरै
लोकप्रिय
