चैत १९ गते संघीय संसद्को अधिवेशन आह्वान गर्न सरकारको सिफारिस

काठमाडौँ – सरकारले संघीय संसद्का दुवै सदनको अधिवेशन चैत्र १९ गतेका लागि आह्वान गर्न सिफारिस गरेको छ।

सोमबार सिंहदरबारमा बसेको मन्त्रिपरिषद्को बैठकले उक्त निर्णय गरेको सरकारका प्रवक्ता एवं शिक्षा, विज्ञान तथा प्रविधिमन्त्री सस्मित पोखरेलले जानकारी दिए।

चैत्र १९ गते बिहीबार अपराह्न २ बजे संघीय संसद् भवन सिंहदरबारमा संघीय संसद्का दुवै सदनको अधिवेशन आह्वानका लागि राष्ट्रपतिसमक्ष सिफारिस गर्ने निर्णय भएको उनले जानकारी दिए।