अ
+
अ
अ
-
काठमाडौँ– नेकपा एमालेको संसदीय दलको नेताका लागि सुहाङ नेम्वाङले दाबी गरेका छन्।
एमाले पार्टी कार्यालय च्यासलमा जारी एमाले संसदीय दलको बैठकमा नेम्वाङले आफूलाई संसदीय दलको नेता बनाउनुपर्ने दाबी गरेका हुन्।
पार्टीले उपाध्यक्ष रामबहादुर थापा ‘बादल’लाई संसदीय दलको नेता बनाउने प्रस्ताव गरेको छ। तर नेम्वाङले परिस्थिति बदलिएको भन्दै युवा सहभागिताका लागि पनि आफूलाई संसदीय दलको नेता बनाउनुपर्ने दाबी गरेको ती नेताले जानकारी दिए।
पार्टीले सर्वसम्मतरुपमा बादललाई संसदीय दलको नेता बनाउन अघि सारेको भए पनि नेम्वाङले भने संसदीय दलका नेता चयनका लागि निर्वाचन गराउनसमेत माग गरेका छन्।
नेम्वाङ इलाम २ बाट निर्वाचित सांसद हुन्। बादल समानुपातिकतर्फबाट सांसद बनेका थिए।
एमाले संसदीय दलको बैठकको अध्यक्षतासमेत बादलले गरिरहेका छन्।
भर्खरै
लोकप्रिय
