हुम्ला – नाम्खा गाउँपालिका– ६ को हिमालपारिको गाउँ लिमीका तीन वस्ती मध्य मानिसबिहीन रहेको जाङ गाउँमा तीन घरधुरीले बस्न सुरु गरेका छन्।
कातिकमा घरमा ताला लगाएर काठमाडौं गएका मध्य तीन घरधुरीका मानिस फिर्ता भएपछि उक्त बस्तीमा मानिसको बसोवास सुरु भएको हो।
लिमीको जाङ गाउँ फिर्ता आउनु भएका मध्य सुन्डुप लामाले चार महिनापछि गाउँमा फिर्ता भएर वसोवास सुरु गरिएको बताए।
काठामाडैंबाट फिर्ता नआउने भनेर गाउँ छोड्नु भएका लामालाई गाउँ कै मायाले फिर्ता ल्याएको उहाँको भनाई छ। अघिल्लो उक वर्ष मानिस बिहीन भएको उक्त गाउँमा गत वर्ष असारमा दुई घरधुरी फिर्ता भएका हुन। ती दुवै घरधुरीका मानिस गत कातिक महिनामा गाउँ छोडेर काठमाडौं लागेका थिए।
अव आगामी कातिक मङ्सीर महिनासम्म बस्ने गरि गाउँ फिर्ता भएको उनको भनाई छ। हिउदमा भने तीनै घरधुरीका स्थानीय काठमाडौं फर्कन सोचाई बनाएका छन्
यसअघि मानिस नभएपछि सुनसान देखिने उक्त गाउँ मानिस बस्न सुरु भएपछि केही रमाईलो हुन थालेको लिमीका वडा अध्यक्ष पाल्जोर तामाङले बताए।
भर्खरै
लोकप्रिय
