अ
+
अ
अ
-
हुम्ला – सिमकोट गाउँपालिकाको मुख्य सडक छेउमा राखिएका ढुङ्गा, बालुवा,, गिट्टी, माटो लगाएतका ब्यक्तिगत सामानहरु हटाउन सिमकोट गाउँपालिकाले एक हप्ते अल्टिमेटम दिएको छ। यी सामग्री सडक किसानमा राख्नाले सडक साँघुरोका साथै कुरुप देखिन थालेपछि गाउँपालिकाले यस्ता चेतावनी दिएको हो।
सोमवार एक सुचना सार्वजनिक गरेर सात दिन भित्र सम्वन्धित ब्यक्तिले आफुले सडक छेउमा राखेका सबै खाले सामग्री आफैले हटाउन आग्रह गरेको छ। निमित्त प्रमुख प्रशासकीय अधिकृत बर्षबहादुर फडेराद्धारा हस्ताक्षर भएको सुचनामा ती सामान सम्वन्धित ब्यक्तिले आफै हटाउने कार्य नगरे नियमानूसार अगाडी बढ्न गाउँपालिका बाध्य हुने उल्लेख गरिएको छ।
यी सामानहरु सडक छेउ राख्नाले यातायातका साधन सञ्चालनमा असहजता, सडक साँघुरो र कुरुप पनि देखिने गरेको गुनासो आएपछि गाउँपालिकाले यो कदम चालेको हो।
भर्खरै
लोकप्रिय
