काठमाडौँ – राष्ट्रिय प्रजातन्त्र पार्टी (राप्रापा) का संसदीय दलका नेता ज्ञानबहादुर शाहीले सत्तारुढ दल राष्ट्रिय स्वतन्त्र पार्टी (रास्वपा)का सभापति रवि लामीछानले सहयोग गर्ने वचन दिएपछि मात्रै आफूहरुले उपसभामुखमा उम्मेदवारी दिएको बताएका छन्।
बिहीबार उपसभामुखको उम्मेदवारी दर्तापछि पत्रकारहरुसँग कुराकानी गर्ने क्रममा उनले रास्वपा सभापति लामिछाने आफैँले फोन गरेर पार्टीको समर्थन रहेने वचन दिएको बताए।
लामिछानेको फोनपछि आफूहरुले उपसभामुखमा सरस्वती लामालाई उम्मेदवार बनाएको उनको भनाइ छ। रास्वपाले भने श्रम संस्कृति पार्टी (श्रसपा)की सांसद रुवीकुमारी ठाकुरलाई समर्थन गरेको छ। रास्वपाले राप्रपालाई समर्थन नगरेपछि राप्रपा नेता शाहीले राजनीतिमा कहिलेकाहीँ तलमाथि हुने बताए।
उनले भने, ‘रास्वपा सभापति रवि लामिछानेले फोन गरेपछि नै हामीले उम्मेदवारी दिएको हो। सबै प्रतिपक्षी एक भएपछि गरेको हो। अब राजनीतिमा त्यो तलमाथि भइहाल्छ, त्यो भयो भने भोलि हामी पनि देखाउँला के भयो र।’
भर्खरै
लोकप्रिय
