अ
+
अ
अ
-
दाङ – लमहीमा भएको सवारी दुर्घटनामा एक जनाको मृत्यु भएको छ। मृत्यु हुनेमा बर्दियाको गेरुवा गाउँपालिका ४ निवासी करिब ३५ वर्षीय खिमराज तिमल्सिना छन्।
जिल्ला प्रहरी कार्यालय दाङका अनुसार अमिलियाबाट लमहीतर्फ आउँदै गरेको लु २ च ९६१७ नम्बरको पिकअप भ्यानले काठमाडौंबाट बर्दियातर्फ जाँदै गरेको बा ६५ प १८८४ नम्बरको मोटरसाइकललाई लमही नगरपालिका ७ पदमिनी खोला नजिक ठक्कर दिएको थियो।
दुर्घटनामा गम्भीर घाइते भएका तिमल्सिनाको लमही अस्पतालमा उपचारका क्रममा मृत्यु भएको प्रहरीले जनाएको छ।
दुर्घटनामा संलग्न पिकअप भ्यान र चालकलाई इलाका प्रहरी कार्यालय अमिलियाले नियन्त्रणमा लिएको छ। मृतक तिमल्सिनाको शव लमही अस्पतालमा राखिएको प्रहरीले जनाएको छ।
भर्खरै
लोकप्रिय
