सुनको गहनासहित साढे ७ लाख भारु बरामद

हुम्ला – सुर्खेतमा प्रहरीले ठूलो मात्रामा सुनको गहनासहित भारतीय रुपैयाँ बरामद गरेको छ। वीरेन्द्रनगर नगरपालिका –६ मुख्य बजारमा रहेको बालाजी बस्त्रालयबाट सुन र नगद बरामद गरेको हो।

साढे सात लाख भारु र बस्त्रालय चलाउने श्यामसुन्दर अग्रवालको कोठाबाट चार थैला सुनको गहनाहरु भेटिएको प्रहरीले जनाएको छ। चार वटा थैलाभित्र बक्समा रेडिमेड सुन रहेको प्रहरीले जनाएको छ। उक्त सुनको परीक्षण हुन बाँकी रहेको र अहिले प्रहरीले मुचुल्का बनाइरहेको छ।

प्रदेश प्रहरी कार्यालयको नेतृत्वमा जिल्ला प्रहरी कार्यालयको टोलीले उक्त घटनाबारे अनुसन्धान गरिरहेको छ। थप विवरण आउन भने बाँकी भएको प्रहरीले जनाएको छ।