- दाङको सिमसार क्षेत्रलाई पोखरीमा बदल्दा पर्यटकीय गन्तव्यको रूपमा विकास भई पर्यापर्यटनको सम्भावना वृद्धि भएको छ।
- तेलगंगा जलाशय निर्माणले स्थानीय इनारको समस्या समाधान गर्नुका साथै स्थानिय बासिन्दालाई नयाँ आशा जगाएको छ।
- स्थानीय संरक्षण समिति र सरकारले समन्वय गरेर जलाशय निर्माण गर्दा किसानले खेतीका लागि पानी सदुपयोग गर्न पाएका छन्।
दाङ- दाङमा सिमसार क्षेत्र संरक्षण पश्चात् नयाँ पर्यटकीय गन्तब्यको रुपमा विकास भएको छ । सिमसार क्षेत्रलाई पोखरीको रुप दिएपछि पर्यापर्यटनको सम्भावना बढेर गएको हो ।
जमिनमुनीको पानी संरक्षणहुदा इनार सुक्ने समस्या समाधान भएको छ भने अर्कोतर्फ जलाशयका कारण पर्यटकहरुलाई नयाँ गन्तब्य बन्न पुगेको छ ।
पर्यटनको सम्भावना बढेसँगै स्थानीयवासी पनि उत्साहित र आशावादी देखिएका छन् । लमही नगरपालिका वडा नं. ९ अन्तर्गत पर्ने रिहार-तेल्ले सडक खण्ड छेउँमै तेलगंगा जलाशय रहेको छ ।
सडक पहुँच विस्तारसँगै तेलगंगा जलाशय नयाँ पर्यटकीय गन्तव्यका रूपमा विकास हुँदै गएको छ । स्थानीय सरकारको समन्वय र सहकार्यमा निर्माण गरिएको उक्त जलाशयले पर्यटकलाई आकर्षित गर्न थालेपछि स्थानीय बासिन्दामा नयाँ आशा जागेको संरक्षण समितिका अध्यक्ष नरबहादुर केसीले बताए ।‘यहाँ सिमसार क्षेत्र थियो । हामीले जोगाएर जलासय बनायौं’उनले भने,‘अहिले भ्रमण गर्ने ठाउँ पनि बन्यो । पानीको मुहान पनि जोगियो ।’
अहिले गाउँका इनार सुक्न पाएका छैनन् । जमिन मुनीको पानी समेत संरक्षण भएको छ । एकै गाउँमा ४ वटा जलाशय निर्माण भएका छन् । जसले गर्दा स्थानीयस्तरमा पर्दै आएको पानीको संकट समाधान भएको छ भने किसानले खेतिपातीमा पानी सदुपयोग गर्न पाएका छन् ।
अझैं सिंचाईलाई प्राथमिकतामा राखेर पाइप विस्तारदेखी अन्य पूर्वाधार निर्माण गर्नुपर्ने आवश्यकता छ । भविश्यमा आइपर्ने पानी संकटबाट जोगिन स्थानीय स्तरमा यसैप्रकारका जलासयहरुको संरक्षण र विकासमा ध्यानदिनुपर्ने देखिन्छ ।
भर्खरै
लोकप्रिय
