अ
+
अ
अ
-
दाङ – गुल्मीको रेसुङ्गा नगरपालिका–४ रैदीस्थित तम्घास-बुर्तिबाङ सडकखण्डमा शुक्रबार साँझ विद्युतीय कार दुर्घटनामा परेको छ ।
जिल्ला प्रहरी कार्यालय गुल्मीका अनुसार बागलुङबाट तम्घासतर्फ आउँदै गरेको बा.प्र.-०१-०२९ च ७३४३ नम्बरको कार साँझ करिब ५ः४० बजे आफैं अनियन्त्रित भई सडकको ढिस्कोमा अड्किएको हो ।
कार प्यूठान नगरपालिका-१ खैराका ३१ वर्षीय सांसद सुशान्त वैद्यिकले चलाएका थिए। गाडीमा गुल्मी क्षेत्र नं. १ का प्रतिनिधिसभा सदस्य सागर ढकालसहित तीन जना सवार रहेका थिए ।
दुर्घटनामा कुनै मानवीय क्षति नभएको जिल्ला प्रहरी कार्यालय गुल्मीका प्रहरी नायव उपरीक्षक (डिएसपी ) बिरेन्द्र वीर विश्वकर्माले बताए । दुर्घटनापछि सवारी साधन निकालेर तम्घासतर्फ ल्याइएको छ ।
भर्खरै
लोकप्रिय
