काठमाडौँ- राष्ट्रिय स्वतन्त्र पार्टी (रास्वपा) का सभापति रवि लामिछानेले आह्वान गरेको सर्वदलीय बैठकमा प्रमुख दल नेपाली कांग्रेस र नेकपा (एमाले)का शीर्ष नेताहरू सहभागी नहुने भएका छन्।
समसामयिक राजनीतिक विषयमा छलफल गर्न सिंहदरबारस्थित सार्वजनिक लेखा समितिको हलमा बिहान ९ बजेका लागि यो बैठक बोलाइएको हो।
बैठकमा संसद्मा प्रतिनिधित्व गर्ने राजनीतिक दलका अध्यक्ष वा सभापतिसहित दुई जना प्रतिनिधि सहभागी भइदिन आग्रह गरिएको थियो। यद्यपि, कांग्रेस र एमाले दुवै दलले आफ्ना मुख्य नेतृत्वलाई नपठाई दोस्रो तहका प्रतिनिधि मात्र पठाउने निर्णय गरेका छन्।
नेपाली कांग्रेसका तर्फबाट बैठकमा संसदीय दलका नेता भीष्मराज आङदेम्बे सहभागी हुने भएका छन्। त्यस्तै, नेकपा (एमाले) का तर्फबाट प्रमुख सचेतक ऐन महर सहभागी हुने भएका छन्।
रास्वपाका महामन्त्री कविन्द्र बुर्लाकोटीका अनुसार मुलुकको पछिल्लो राजनीतिक अवस्था र समसामयिक विषयहरूमा साझा धारणा बनाउनका लागि यो सर्वदलीय बैठक आह्वान गरिएको हो।
भर्खरै
लोकप्रिय
