चितवन- चितवनमा जारी राष्ट्रिय स्वतन्त्र पार्टी (रास्वपा)को पहिलो महाधिवेशन अन्तर्गत निर्वाचन प्रक्रियाका लागि नयाँ नियमहरू सार्वजनिक गरिएको छ।
रास्वपा केन्द्रीय निर्वाचन आयोगका प्रमुख भुवन केसीद्वारा जारी सूचना अनुसार, निर्वाचनमा कुनै पनि उम्मेदवारको प्रस्तावक र समर्थक बन्ने प्रतिनिधिहरू आफैँ उम्मेदवार बन्न पाउने छैनन्।
पार्टीको निर्वाचन आयोगको यो नियम विपरीत मनोनयन फारम दर्ता गरिएमा उक्त उम्मेदवारी स्वतः अमान्य हुनेछ।
आयोगले विभिन्न पदका लागि प्रस्तावक र समर्थकको संख्या समेत निर्धारण गरेको छ।
जसअनुसार पार्टी सभापति पदको उम्मेदवारीका लागि १ जना प्रस्तावक र ५१ जना समर्थक अनिवार्य गरिएको छ भने अन्य केन्द्रीय सदस्यको हकमा १ जना प्रस्तावक र २१ जना समर्थक आवश्यक पर्नेछ।
उम्मेदवारी दर्ता गर्दा प्रस्तावक र समर्थकहरूको नाम, सम्पर्क नम्बर र हस्ताक्षर अनिवार्य रूपमा बुझाउनुपर्नेछ।
भर्खरै
लोकप्रिय
