नेपालगन्ज- बाँकेकाे नाैबस्तामा रहेकाे क्षेत्रीय कारागारमा झडप भएकाे छ।
बी-ब्लकमा रहेका कैदीबन्दीबीच भएकाे झडपमा ७ जना घाइते भएका हुन्।
कारागारकाे आन्तरिक प्रशासन व्यवस्थापनका लागि नियुक्ति गर्ने नाइके र चाैकीदारका विषयमा कारागारमा पटक-पटक झडप भइरहेकाे छ।
नाइके र चाैकीदार नियुक्ति गर्ने समय नजिक आइरहदा आन्तरिक शक्ति संघर्ष बढेकाे छ।
मंगलबार बिहान पाैने ६ बजे कैदीबन्दीबीच झडप हुँदा नाइके धर्मराज बुढासहित ७ जना घाइते भएका छन्।
घाइतेमध्ये ३ जनालाई भेरी अस्पताल र ४ जनालाई स्थानीय स्वास्थ्य संस्थामा उपचार गरिएकाे छ।
झडपपछि कारागारबाट ४० जनालाई अन्यत्र सारिएकाे छ।
बाँके प्रहरी प्रवक्ता डीएसपी प्रतितसिंह राठाैरले घाइतेहरु उपचारपछि फर्किएकाे र अहिले कारागारकाे सुरक्षा अवस्था सामान्य रहेकाे जानकारी दिए ।
केही दिन अघि पनि बी-ब्लकमा झडप भएकाे थियाे । आफू या आफ्नाे पक्षकाेलाई नाइके र चाैकीदार बनाउन लागिपर्दा झडप हुने गरेकाे छ ।
भर्खरै
लोकप्रिय
