महाधिवेशन व्यवस्थापनमा भएको कमजोरी स्वीकार्दै रास्वपाका प्रवक्ता झाले भने- ‘हामी लज्जित छौँ’

काठमाडौँ- राष्ट्रिय स्वतन्त्र पार्टी (रास्वपा)का प्रवक्ता मनिष झाले पार्टीको महाधिवेशन व्यवस्थापनमा भएको कमजोरी स्वीकार्दै आफूहरू लज्जित भएको बताएका छन्।

महाधिवेशनअन्तर्गत मतदान प्रक्रियामा देखिएको व्यवस्थापकीय कमजोरीप्रति उनले दुःख व्यक्तसमेत गरेका हुन्।

बिहीबार पहिलो चरणको मतदानबारे जानकारी दिँदै पत्रकारसँग कुरा गर्ने क्रममा उनले व्यवस्थापनमा भएको ढिलाइ र कमजोरीप्रति पार्टी लज्जित रहेको बताए।

व्यवस्थापनमा केही समस्या आए पनि प्रतिनिधिहरूले धैर्यतापूर्वक सहभागिता जनाएको भन्दै उनले धन्यवाद व्यक्त गरे।

झाका अनुसार दोस्रो चरणको मतदान अपराह्न ४ बजेदेखि सुरु हुनेछ।