काठमाडौँ – राष्ट्रिय स्वतन्त्र पार्टीका सभापति रवि लामिछानेले आफ्नो पार्टीमाथि लागेका सम्पूर्ण राजनीतिक आरोपहरू महाधिवेशनले पूर्ण रुपमा खारेज गरेको बताएका छन्।
पार्टीको प्रथम महाधिवेशनबाट सर्वसम्मत रुपमा रास्वपाको सभापति चयनका उनले शपथग्रहणपछि सम्बोधन गर्दै यस्तो बताएका हुन्। उनले रास्वपामाथि विचारविहीन, सिद्धान्तविहीनलगायतका आरोप लाग्ने गरेको भन्दै महाधिवेशनले ती सम्पूर्ण आरोपहरूलाई खारेज गरेको बताए।
उनले भने, ‘पार्टीका दस्तावेजहरू, पार्टीको नीति, पार्टीको विचार, पार्टीको सिद्धान्त र पार्टीको आदर्शलाई लिएर उठेका सम्पूर्ण विषयहरूलाई, हामीमाथि विचारविहीन, सिद्धान्तविहीन भन्ने संगीन आरोपहरू थिए। ती राजनीतिक आरोपहरू पूर्ण रुपमा यो ऐतिहासिक महाधिवेशनले खारेज गरेको कुरा म यहाँहरूलाई निवेदन गर्न चाहन्छु।’
यसअघिका दस्तावेजहरूमा पनि रास्वपाको सिद्धान्तबारे स्पष्ट लेखिएको भए पनि हिजोको सत्तालाई पढ्न फुर्सद नभएको उनले बताए।
भर्खरै
लोकप्रिय
