अ
+
अ
अ
-
दाङ- देउखुरीमा धान रोपाइँका क्रममा अजिङ्गर फेला परेको छ । लमही नगरपालिका- १ सुन्डबरी निवासी बुद्धि चौधरीको खेतमा बिहीबार बिहान रोपाइँ गर्ने क्रममा ठूलो अजिङ्गर देखिएपछि स्थानीयले तत्काल प्रहरीलाई खबर गरेका थिए ।
रोपाइँकै क्रममा सर्प देखिएपछि केहीबेर किसानहरू त्रसित बनेका थिए । पछि स्थानीयको सूचनापछि पत्रकार तथा सर्प उद्धारकर्ता शिवु खनालले घटनास्थलमा पुगेर अजिङ्गरलाई सुरक्षित रूपमा उद्धार गरेका थिए ।
उद्धारपछि उक्त सर्पलाई सुरक्षित प्राकृतिक बासस्थानमा छोडिएको उद्धारकर्ता खनालले जानकारी दिए ।
उनका अनुसार करिब डेढ मिटर लामो र झण्डै पाँच किलो तौलको उक्त अजिङ्गर रहेको छ ।
भर्खरै
लोकप्रिय
