काठमाडौँ – प्रमुख प्रतिपक्ष दल नेपाली कांग्रेसका संसदीय दलका नेता भीष्मराज आङ्देम्बेले यो देश कालो चश्मा, कालो कोट र कालो पाइन्ट लगाएर कालै गाडीमा हुइकिनेहरूको मात्र नभएको बताएका छन्।
सोमबारको प्रतिनिधि सभा बैठकमा प्रधानमन्त्री वालेन्द्र शाहलाई लक्षित गर्दै उनले यस्तो बताएका हुन्। उनले कोही पनि नागरिकको बसोवास गरैकानुनी हुन सक्ने तर जन्म गैरकानुनी हुन नसक्ने बताए।
उनले सुकुम्वासीहरूको दिगो व्यवस्थापन व्यवहारमूखी कोणबाट गर्न माग गरे। समाधानको नाममा हजारौँ सुकुम्वासी र अव्यवस्थित बसोवासी नागरिकलाई वर्षायामको मुखमा वैकल्पिक व्यवस्थाबिना विस्थापित गर्नु सरकार संवेदना शून्य भएको लक्षण भएको बताए।
व्यवस्थापनको नाममा सुकुम्वासी बस्तीबाट बलपूर्वक हटाउने र आश्रयस्थलमा राख्ने तर पछि रातारात धपाउने कुरा राम्रो नभएको उनको भनाइ थियो।
उनले भने, ‘हिजो व्यवस्थापनको नाममा सुकुम्वासी बस्तीबाट बलपूर्वक हटाउने र आश्रय स्थलमा राख्ने, अनि आज त्यहाँबाट रातारात धपाउने। आज त्यही क्रियाकलाप हामीहरूले देखिराखेका छौँ। के यो देश ठूलाबडाको मात्रै हो? कालो चस्मा लाउने, कालै कोट र कालै पाइन्ट लगाएर कालै गाडीमा हुँइकिनेहरूको मात्रै हो? सुकुम्वासी अव्यवस्थित बसोवासी गरिब किसान र मजदूरहरूको यो देश होइन? होइन भने भन्नुपर्यो। यदि हो भने किन अत्याचार गरिन्छ शक्तिहीन नागरिक माथि?’
भर्खरै
लोकप्रिय
