नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले तत्काल पार्टी एकता नहुने बताएका छन्।
पार्टी कार्यालय च्यासलमा आयोजित कार्यक्रममा उनले वामपन्थी शक्तिहरूको एकता भन्दै पार्टी एक हुने विषय अहिले तत्काल सम्भव नभएको बताएका हुन्। उनले आउन चाहनेलाई भने पार्टीको ढोका सधैँ खुला रहेको पनि बताए।
एमालेले निर्वाचन समीक्षा तथा पार्टी पुनर्गठनबारे सुझाव संकलन गर्ने क्रममा मंगलबार सल्लाहकार परिषद्का सदस्यहरूमाझ सुझाव संकलन गरेको हो।
सोही कार्यक्रममा उनले नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ प्रधानमन्त्री बालेन्द्र शाहको भक्तिगानमा लागेको आरोप पनि लगाए।
उनले भने- ‘प्रचण्डजी बालेनको भक्तिगानमा लाग्या छन्।’
एमालेले यसअघि विभिन्न प्रदेश, मातहत कमिटीसँग एमालेले सुझाव संकलन गरिसकेको छ।
वरिष्ठ उपाध्यक्ष रामबहादुर थापा ‘बादल’को संयोजकत्वमा गठित कार्यदलले उक्त काम गरिरहेको छ । आज अन्तिम सुझाव संकलन गरेको कार्यदलले अब २५ असारमा प्रतिवेदन लेखनका लागि बैठक बस्ने कार्यसूची तय गरेको छ।
भर्खरै
लोकप्रिय
