- गृहमन्त्री सुधन गुरुङलाई प्रश्न गर्ने सांसदहरुप्रति आक्रोश पोख्दा नेकपाका सांसद गोपाल शर्माले आपत्ति जनाएका छन्।
- गृहमन्त्री गुरुङको टिप्पणीलाई सरकारको कामको जवाफ दिन असफल भनिएको भन्दै सांसद शर्माले आपत्तिजनक ठहर गरे।
- सरकारका प्रतिनिधिहरूले संसदमा जिम्मेवारीपूर्वक उपस्थित हुने र प्रश्नहरूलाई गम्भीर रूपमा लिने आग्रह गरियो।
काठमाडौँ – गृहमन्त्री सुधन गुरुङले संसदमा दिएको अभिव्यक्तिप्रति नेकपाका सांसद गोपाल शर्माले आपत्ति जनाएका छन्।
गणेश नेपाली मृत्यु प्रकरणमा सांसदहरुले संसदमा कुरा उठाएपछि जवाफ दिन पुगेका गृहमन्त्री गुरुङले प्रश्न उठाउने सांसदहरुप्रति नै आक्रोश पोखेका थिए।
उनले सरकार, ट्राफिक प्रहरीप्रति प्रश्न उठाउने सांसदहरुको कार्यलाई घाँटी सुक्ने गरी कराएको भन्दै आक्रोश पोखेका थिए। जसप्रति नेकपाका सांसद शर्माले सरकारलाई संसदमा नै खोज्ने भएकाले प्रश्न गर्नेहरुमाथि गृहमन्त्री गुरुङले रोष्ट्रमबाट दिएको अभिव्यक्ति आपत्ति जनक भएको टिप्पणी गरे।
सांसदहरूप्रति आक्रोशित गृहमन्त्री गुरुङले संसद्मा भने- गणेश नेपालीको निधनमा सरकारको कुनै हात छैन
‘संसदले सरकारलाई संसदमा नै खोज्ने हो, सांसदहरूले सदनमा नै सरकारलाई खोज्ने हो। सरकारको प्रतिनिधि जिम्मेवार प्रतिनिधिले घटना के भएको छ सदनलाई जानकारी दिने हो, त्यो जिम्मेवारी हो। सदनमा सांसदहरूले प्रस्तुत गरेको विषय ुघाँटी सुक्ने गरी चिच्याएकोु भनेर भन्न मिल्दैन, सांसद शर्माले अगाडि भने, ‘ यो सांसदहरू प्रति, जनप्रतिनिधि प्रति र संसद प्रति जिम्मेवार मन्त्रीले गरेको अपमानको रूपमा मैले यसलाई बुझेको छु। यसलाई संसदको रेकर्डबाट हटाइयोस्।’
उनले आगामी दिनमा सरकारका प्रतिनिधिहरू संसदमा आउँदा जिम्मेवारीपूर्वक आउन र उठेका प्रश्नहरूलाई जिम्मेवारीपूर्वक प्रस्तुत गर्न अनुरोध गरे।
नेपाली मृत्यु प्रकरणमा सरकारले उनको उपचारका लागि रात दिन प्रयास गर्दा पनि नदेखेको भन्दै गृहमन्त्री गुरुङ विपक्षी सांसदहरुप्रति चेतावनीको शैलीमा प्रस्तुत भएका थिए।
भर्खरै
लोकप्रिय
