आर्थिक गणनामा २३ सयभन्दा बढी विवरण संकलन

हुम्ला – जिल्लामा राष्ट्रिय आर्थिक गणना गर्दा जिल्लाभर २३ सयभन्दा वढी विवरण संकलन गरिएको छ
जिल्लाभर जम्मा दुई हजार ३४२ वटा मात्र त्यस्ता फर्मको आर्थिक विवरण सङ्कलन भएको जिल्ला आर्थिक गणना अधिकारी सुरेन्द्र प्रसाद पन्तले जानकारी दिए।

उक्त आर्थिक गणना गर्ने कार्य कार्यालयले राखेको लक्ष्यभन्दा कम तथ्यांक संकलन भएको हो।

जिल्लाका सात वटै गाउँपालिकाबाट दुई हजार छ सय आर्थिक पक्षसँग सम्बन्धित फर्मको विवरण हुने लक्ष्य राखिएकोमा त्यो लक्ष्य भने पूरा हुन नसकेको पन्तले बताए।

पन्तका अनुसार गणकले ल्याएको विवरण कम्प्युटरमा प्रविष्ट गर्ने कार्य भइरहेको छ।