काठमाडौँ– राष्ट्रिय स्वतन्त्र पार्टी (रास्वपा)का सांसद सन्तोष राजवंशीले अहिले तीन महिनामा नै केही पनि भएन भनेर धेरै नआत्ति प्रतिपक्षी दललाई आग्रह गर्दै अन्तिममा प्रधानमन्त्री बालेन्द्र शाहले समृद्धि ल्याउने बताएका छन्।
बुधबारको संसद बैठकमा बोल्दै उनले रास्वपाको टिम म्यानेजर रवि लामिछाने र टिम क्याप्टेन प्रधानमन्त्री वालेन्द्र शाह रहेको र अन्तिममा टिम क्याप्टेन शाहले सुशासन, समृद्धि र सामाजिक न्यायको गोल गरी छाड्ने दाबी गरे।
‘जसरी फुटबल खेलमा १०-२० मिनेटमा गोल भयो भएन वा फल भयो भएन भनेर नजिता आउँदै। त्यसका लागि ९० मिनेट पर्खनुपर्छ’, राजवंशीले भने ‘म भन्न चाहन्छु विपक्षी बेन्चमा बस्ने माननीयज्यूहरूलाई न हतारिनुस् न। फाइनल टाइममा भए पनि हाम्रा टिम क्याप्टेनले सुशासन, समृद्धि र सामाजिक न्यायको गोल ग्यारेन्टिका साथ हान्नुहुन्छ, ढुक्क हुनुहोस्। यो देशलाई जिताउन आएको टिम हो।’
उनले रास्वपा आफू जित्न नआएको र देश र जनतालाई जिताएरै छाड्ने बताए।
सरकार बनेको तीन महिना सकिएको र अझै ५७ महिना बाँकी रहेको भन्दै धैर्य गर्न उनको आग्रह छ।
भर्खरै
लोकप्रिय
