कोशी प्रदेशको चालु तथा आठौं हिउँदे अधिवेशन अन्त्य

माेरङ – कोशी प्रदेशका प्रमुख परशुराम खापुंगले प्रदेश सभाको चालु तथा आठौं हिउँदे अधिवेशन अन्त्य गरेका छन् ।

सोमबार प्रदेश प्रमुखको कार्यालयले जारी गरेको विज्ञप्ति अनुसार नेपालको संविधानको धारा १८३ को उपधारा (२) बमोजिम प्रदेश प्रमुख खापुङले सोमबार मध्यरात १२ बजेबाट लागू हुने गरी अधिवेशन अन्त्य गरेका हुन् ।

यसअघि, प्रदेश सरकार, मन्त्रिपरिषद्ले २०८२ चैत २३ गते अधिवेशन अन्त्यका लागि सिफारिस गरेको कार्यालयका प्रवक्ता नारायणप्रसाद भट्टराईले जानकारी दिए ।