काठमाडौं- गृहमन्त्री सुधन गुरुङले स्विस बैंकमा नेपालका उच्च पदस्थ व्यक्तिले भ्रष्टाचार गरेको रकम भए फिर्ता ल्याउन पहल गरिदिन नेपालका लागि स्वीस राजदूतसँग अनुरोध गरेका छन् ।
गृह मन्त्रालयमा बुधबार स्विस राजदूत डेनियल मैवलीसँग भएको शीष्टाचार भेटमा उनले भ्रष्टाचारसँगै अन्य कसुरबाट अवैध रुपमा आर्जन गरेको रकम स्विस बैंकमा जम्मा गरे/नगरेको विषयमा अनुसन्धानका लागि सहकार्य गर्न आग्रह गर्दै त्यस्ता रकम देखिएमा नेपाल सरकारको अनुरोधमा फिर्ता ल्याउने व्यवस्था गर्न आग्रह गरेका हुन्।
भेटमा राजदूत मैवलीले गृहमन्त्री गुरुङलाई बधाई तथा सफल कार्यकालका लागि शुभकामना व्यक्त गरेकी थिइन्।
राजदूत मैवलीले दुई देशको सरकारबीच आप्रवासन मामिलाहरूमा सहकार्य गर्ने विषय उठाएकी थिइन्। मन्त्री गुरुङले उक्त विषय हाल छलफलमा रहेको जानकारी राजदूतसँग गराएका थिए।
स्विस राजदूत मैवलीले विपद् व्यवस्थापनको नेपालमा जलवायु परिवर्तन एवम् विपद जोखिम न्यूनीकरणका लागि पूर्व चेतावनी प्रणालीलाई थप सुदृढ बनाउन स्वीस सरकारले आवश्यक सहकार्य गर्ने प्रतिबद्धता व्यक्त गरेकी थिइन्।
भर्खरै
लोकप्रिय
