अ
+
अ
अ
-
मुगु – खत्याड गाउँपालिका–५ थाने क्षेत्रमा चट्याङ लागेर तीन वटा पशुचौपायाको मृत्यु भएको छ।
आइतबार अपराह्न करिब ३ बजे वर्षासँगै परेको चट्याङले बाझों खेतमा चरिरहेका स्थानीय कांसि बुढाका एक जिउ ब्याउने भैँसी र एक हल गोरु तथा धनबहादुर बुढाको एक भैँसी मरेका हुन्।
घटनापछि प्रहरी चौकी श्रीकोटबाट प्रहरी सहायक निरीक्षक नन्दबहादुर रावतको कमाण्डमा तीन सदस्यीय टोली घटनास्थलतर्फ खटिएको थियो। घटनास्थल प्रहरी चौकीबाट करिब तीन घण्टा पैदल दूरीमा पर्ने जनाइएको छ।
घटनामा मानवीय क्षति नभएको र थप विवरण संकलन भइरहेको जिल्ला प्रहरी कार्यालय मुगुका प्रहरी नायब उपरीक्षक रबिराज थपलियाले जानकारी दिएका छन्।
भर्खरै
लोकप्रिय
