हट्यो संसदको अवरोध

काठमाडौँ – प्रधानमन्त्रीको अभिव्यक्तिलाई लिएर विपक्षी दलहरुले गरेको संसद अवरोध हटेको छ।

सदन खुलाउन भएको द्धिपक्षीय बहुपक्षीय छलफलपछि प्रतिनिधिसभाको बैठक नियमित अवस्थामा फर्किएको हो। दिउँसो १ बजेका लागि तोकिएको बैठक एक घण्टा थकेलेर दलहरु छलफलमा जुटेका थिए।

विपक्षी दलहरुसँगको छलफलका क्रममा रास्वपाका सभापति रवि लामिाछानेले प्रधानमन्त्रीको तर्फबाट परराष्ट्रमन्त्री शिशिर खनालले संसदलाई जवाफ दिने प्रस्ताव गरेका थिए।

तर विपक्षी दलहरुले यदि प्रधानमन्त्री आउन नसक्ने हो भने उनले लिखित रुपमा सदनलाई सम्बोधन पठाउनुपर्ने र उक्त सम्बोधन खनालले वाचन गर्दा फरक नपर्ने अडान लिएका विपक्षी दल अन्तिममा सदन खोल्न तयार भएका हुन्।

अब परराष्ट्रमन्त्री खनालले संसदलाई प्रधानमन्त्रीको भनाइबारे प्रष्टिकरण दिनेछन्।