नेपाली कम्युनिस्ट पार्टीका केन्द्रीय सदस्य गोविन्दबहादुर बटालाले अदालतमा आत्मसमर्पण गरेका छन्। उनले बुधबार सर्वोच्च अदालतमा उपस्थित भएर आत्मसमर्पण गरेका हुन्। । उनी तत्कालीन माओवादी लडाकुका ब्रिगेड कमान्डर थिए ।
व्यवसायी रामहरि श्रेष्ठको अपहरण र हत्या मुद्दामा सर्वोच्च अदालतले उनलाई १० वर्ष कैद सजायको फैसला गरेको थियो।
२०८३ जेठ २८ मा न्यायाधीशहरू डा.नहकुल सुवेदी, अब्दुल अजीज मुसलमान र शान्तिसिंह थापाले पुनरावलोकन सुनुवाइ गर्दै त्यसअघि भएको फैसला उल्ट्याएर बटालालाई १० वर्ष कैद सजाय तोकेका थिए।
कालिकोटको माल्कोट स्थायी ठेगाना भएका बटालालाई सर्वोच्च अदालत प्रशासनले डिल्लीबजार कारागार चलान गरेको छ।
फैसला भएको मितिले ६० दिनभित्र हाजिर भएर कैदमा बसेमा जरिवानाको २० प्रतिशत मिनाहा कुने कानुनी व्यवस्थाअनुसार बटालाले आफ्नो सजायमा २० प्रतिशत छुट पाउने छन्।
व्यापारी रामहरि श्रेष्ठलाई २०६८ असार ६ मा काठमाडौँबाट अपहरण गरेर चितवनमा लगेर हत्या गरेको कसुरमा बटाला दोषी ठहर भएका थिए।
भर्खरै
लोकप्रिय
