कोशी प्रदेशका आन्तरिक मामिला मन्त्रीको निवासमा मध्यरातमा प्रहरीको छापा

काठमाडौँ– कोशी प्रदेशका आन्तरिक मामिला तथा कानुनमन्त्री इन्द्रमणि पराजुलीको निवासमा मध्यरातमा प्रहरीले छापा मारेको छ।

बिहीबार राती १० बजे उनको विराटनगर- ३ स्थित मन्त्री क्वटरमा प्रहरीले छापा मारेको प्रतिनिधि सभा सदस्य राजेन्द्रकुमार राईले जानकारी दिए।

उनले शुक्रबारको संसद बैठकमा पराजुलीको निवासमा छापा मारिएको विषय उठाउँदै नयाँ सरकारले किन यस्तो गर्दैछ भन्दै प्रश्न पनि गरेका थिए।

मन्त्री पराजुली निवासमा छापा मार्दा त्यहाँ थिएनन्। राईकाअनुसार उनी संखुवासभा थिए। राईले किन छापा मारिएको हो भन्दै छानबिन गर्न माग गरेका छन्।