काठमाडौँ- राष्ट्रिय प्रजातन्त्र पार्टी (राप्रपा)का नेता तथा सांसद ज्ञानेन्द्र शाहीले विगत ३५ वर्षदेखि राजनीतिकरणले जेलिएको अख्तियार दुरुपयोग अनुसन्धान आयोगले सधैँ ठूला भ्रष्टाचारीहरूलाई मात्र संरक्षण गरेको आरोप लगाएका छन्।
सामाजिक सञ्जाल फेसबुकमार्फत आफ्नो धारणा सार्वजनिक गर्दै नेता शाहीले भ्रष्टाचारीको रक्षा गर्ने निकाय नै भक्षक बनेको दाबी गरेका हुन्।
नेता शाहीले प्रधानमन्त्रीलाई सम्बोधन गर्दै अख्तियारको दराजमा थन्किएका एनसेल, वाइडबडी, मेलम्ची लगायत ६५ वटा ठूला भ्रष्टाचारका फाइलहरू तत्काल खोल्न आग्रह गरेका छन्।
ती फाइलहरू दराजमा धुलो लागेर र मुसाले काट्ने अवस्थामा पुगेको उल्लेख गर्दै उनले जसरी भए पनि (बाँधेर वा थुनेर) ती फाइलहरू खोली ‘ठूला माछा’ लाई कानुनी दायरामा ल्याउन माग गरेका छन्।
भ्रष्टाचार विरोधी यो कदममा आफूहरू सरकारको साथमा रहने उनले प्रतिबद्धता जनाएका छन्।
भर्खरै
लोकप्रिय
